SEUL, 1 qershor /ATSH-AFP/ – Delegacionet e nivelit të lartë të dy Koreve janë takuar sot për të diskutuar për përmirësimin e marrëdhënieve dypalëshe, para samitit të parashikuar mes presidentit amerikan, Donald Trump dhe drejtuesit koreano-verior, Kim Jong Un.
Këto bisedime ishin planifikuar në fillim të muajit, por u anuluan pas reagimit të Phenianit për manovrat e përbashkëta Seul-Uashington.
Megjithashtë, pas përfundimit të manovrave të ashtuquajtura “Max Thunder” më 25 maj, drejtuesi koreano-verior, Kim Jong Un dhe presidenti koreano-jugor, Moon Jae-in u takuan për një samit të papritur në zonën e çmilitarizuar që ndan gadishullin, takimi i dytë i këtij lloji pas një samiti të parë ndërkorean në fund të prillit.
“Ne po diskutojmë mbi mënyrat se si të zbatojmë në mënyrë efektive dhe pa probleme marrëveshjet e arritura nga dy drejtuesit”, deklaroi për shtypin ministri koreano-jugor i Unifikimit, Cho Myoung-gyon para se të nisej për në Panmunjom.
“Bëhet fjalë gjithashtu për krijimin e një atmosfere pozitive për samitin Uashington-Phenian”, shtoi ai./ /ec/ a.jor.
