PARIS, 12 dhjetor /ATSH-AA/ – Në Francë edhe sot kanë vazhduar protestat dhe greva për shkak të reformës së pensioneve, të cilat synon t’i bëjë administrata e presidentit të vendit, Emmanuel Macron.
Në ditën e parë, protestave iu bashkuan rreth 800 mijë persona, ndërsa greva e të punësuarve në disa sektorë është duke zgjatur tashmë shtatë ditë.
Për shkak të grevës në shtatë ditët e fundit vjen deri tek shkeljet në komunikacionin publik.
Zyrtarët konfirmuan se trafiku në Paris është në kolaps ndërsa kolona e automjeteve është e gjatë mbi 100 kilometra.
Sot herët në mëngjes u anuluan shumë linja hekurudhore ndërsa në disa qytete në Francë është vështirësuar qarkullimi i trafikut.
Në protestat në Paris, të mbështetura nga dhjetëra mijëra njerëz, gjatë ditëve të kaluara ndodhën përleshje mes forcave të sigurisë dhe protestuesve./ /os/ a.jor.
