TIRANË, 2 nëntor /ATSH/ Në Shkup u zhvillua takimi midis tre delegacioneve postare, i udhëhequr nga administratori i Postës Shqiptare Laert Duraj, Drejtori i Përgjithshëm i Postës së Maqedonisë të Veriut, Ejup Rustemi dhe kryeshefi ekzekutiv i Postës së Kosovës, Shefqet Avdija.
Posta Shqiptare bën të ditur se, në fokus të këtij takimi ishin eksperiencat postare mes vendeve pjesëmarrëse, lehtësirat e shkëmbimeve të dërgesave postare dhe rritja e cilësisë së shërbimit midis të tre vendeve.
Gjatë takimit u diskutua gjithashtu edhe një plan afatgjatë bashkëpunimi midis tre postave në shërbimin e ri E-commerce.
E-commerce është shërbimi tregtar përmes internetit, për shitje dhe blerje me pakicë dhe transaksione elektronike, përmes mjeteve elektronike, siç janë aplikacionet celulare, etj..
/e.xh/r.e/
