NUREMBERG, 16 tetor /ATSH-DPA/ – Pesëdhjetë vjet pas zhdukjes së kitarës bas të legjendës së Beatles, Paul McCartney, kanë filluar kërkimet me shpresën e gjetjes së saj.
McCartney bleu kitarën bas të markës ”Hoefner 500/1” në vitin 1961 në një dyqan në Hamburg dhe luajti me të për një periudhë dyvjeçare, përfshirë edhe regjistrimet e dy albumeve të parë të Beatles.
Tani prodhuesi i kitarave Karl Hoefner, me qendër në shtetin jugor gjerman të Bavarisë, ka nisur një gjueti globale për instrumentin.
“Ka shumë të ngjarë, që kitara të jetë vjedhur. Kanë kaluar 50 vjet, shpresojmë ta gjejmë atë’, deklaroi Nick Wass, i kompanisë Hoefner./ /os/ a.jor.
