LONDËR, 12 korrik /ATSH-DPA/ – Një ankand britanik i sendeve personale nga ish-ylli gjerman i tenisit Boris Becker, përfshirë trofe dhe reketa, përfundoi pasi ky i fundit hoqi dorë nga padia për ta parandaluar atë.
Ankandi online i ”Wyles Hardy & Co” duhej të arrinte më shumë se 500 000 dollarë për kreditorët e Beckerit, pasi kampioni tre herë i Wimbledonit, u shpall i falimentuar në 2017 për një borxh të pretenduar nga bankierët privatë Arbuthnot dhe Latham.
Rreth 82 sendet e tij dolën në shitje për herë të parë në qershor 2018, por ankandi u pezullua pasi Becker, 51 vjeç, kundërshtoi gjendjen e tij të falimentimit dhe pretendoi imunitet diplomatik si i ashtuquajtur oficer sportiv i Republikës së Afrikës Qendrore në Bashkimin Europian.
Pjesa e ankandit përfshiu një raketë tenisi ”Puma” që daton prej vitit 1988, një këllëf rakete të nënshkruar nga Becker, që mori një ofertë mbyllëse prej 16 000 eurosh e tjerë./ /os/ /em/ a.jor.
