TIRANË, 7 qershor/ATSH/ – Studentët e Universitetit të Tiranës që duan të aplikojnë për bursa studimi në Universitetin Silesian të Teknologjisë në Poloni, kanë ende afat për të dorëzuar dokumentacionin e tyre.
Fakulteti i Historisë dhe Filologjisë ka bërë të ditur se është shtyrë thirrja për bursa për studentët e Universitetit të Tiranës në Universitetin Silesian të Teknologjisë, Poloni në kuadër të Programit Erasmus +, për semestrin e parë të vitit akademik 2019-2020.
Bursat përfshijnë shkëmbimin e studentëve për studime në nivelin bachelor, master apo doktoraturë. Kompensimin mujor kap shifrat e 750 euro në muaj për studentët, kostot e udhëtimit në varësi të distancës midis universitetit pritës dhe atij të origjinës.
Afati për aplikim është 10 qershori, ndërsa dokumentet duhen dorëzuar dorazi në Rektoratin e Universitetit të Tiranës. /z.tosku/ /a.g/
