TIRANË, 11 Maj /ATSH/ -Protestuesit kanë hedhur bomba të shumta molotov në drejtim të kordonit të policisë dhe Parlamentit.
Teksa situata është mjaft e tensionuar pasi protestuesit hodhën molotov dhe fishekzjarre ka ndërhyrë policia për shuarjen e flakëve.
Pasi protestuan prej 2 ore e 30 minuta në Bulevardin “Dëshmorët e Kombit” përballë Kryeministrisë, protestuesit janë vendosur tashmë përballë Parlamentit.
Të drejtuar nga kreu i PD, Lulzim Basha protestuesit kanë përshkuar Bulevardin “Dëshmorët e Kombit” për t’iu drejtuar më pas Parlamentit.
Më herët në protestën e opozitës janë shënuar një sërë incidentesh teksa protestuesit kanë hedhur bomba molotov, shashka, tymuese dhe bojë në drejtim të kryeministrisë.
/gj.mima/ /a.g/
