TIRANË, 6 maj /ATSH/ – Rritja ekonomike e vendit është tashmë stabilizuar në nivelin 4%.
Kështu deklaroi sot ministrja e Financave dhe Ekonomisë, Anila Denaj sot në konferencën e përbashkët me përfaqësuesi i Fondit Monetar Ndërkombëtar, Jan Kess Martijn dhe Guvernatorin e BSH-së, Gent Sejko.
Sipas Denajt, pavarësisht luhatjeve të tremujorit, të ndikuar kryesisht nga faktorë të jashtëm te lidhur me situatën në vendet partnere, pritet që në pjesën e mbetur të vitit ekonomia të vazhdojë prirjen pozitive.
“Sektorët e bujqësisë, ndërtimit dhe turizmit pritet të kompensojnë luhatjet në sektorin e energjisë. Kërkesa e brendshme pritet të jetë e qëndrueshme pavarësisht rreziqeve në rritje të kërkesës së jashtme”, – theksoj ajo.
Ministrja e Financave dhe Ekonomisë Denaj, në fjalën e saj falënderoi misionin e Fondit Monetar Ndërkombëtar (FMN) për ndihmën dhe mbështetjen e dhënë për forcimin e financave publike sidomos në lidhje me: përmirësimin e administratës tatimore, përmirësimin e sistemit te monitorimit dhe kontrollit dhe rritjen e cilësisë të shpenzimeve publike, që siç u shpreh ajo, janë komponentë të rëndësishëm në zhvillimin e ekonomisë së vendit. /e.xh/ /a.g/
