TIRANË, 8 mars/ATSH/ – Ditën Ndërkombëtare të Gruas, ministrja e Drejtësisë, Etilda Gjonaj e kaloi pranë punonjëseve të IEVP-ve të vendit.
Duke përmendur përkushtimin dhe profesionalizmin e shfaqur nga ana e punonjësve të Policisë së Burgjeve, Gjonaj u shpreh se “j’ua kushtova këtë ditë të gjitha atyre grave të cilat çdo ditë me përkushtim dhe profesionalizëm kryejnë një detyrë fisnike”.
Punonjëset e Policisë së Burgjeve të ardhura nga çdo cep i vendit, kaluan një ditë ndryshe jashtë uniformës dhe përditshmërisë.
“Respekt dhe mbështetje për ato gra në sakrificën e përditshme për kryerjen e detyrës së tyre fisnike”, tha ministrja./m.m/e.caushi/
