TIRANË, 5 janar /ATSH/ Stoku i investimeve austriake gjatë vitit 2024 arriti në 843 milionë euro, sipas të dhënave të publikuara nga Banka e Shqipërisë.
Krahasuar me një vit më parë, investimet austriale në ekonominë shqiptare u rritën me 5,4%.
Investimet austriake në Shqipëri janë të përqendruara sidomos në tregun e sigurimeve, në sektorin energjetik, në shërbimet e hotelerisë, ndërtimit, etj.
Austria renditet në vendin e katërt mes investitorëve të huaj për vitin 2024.
Referuar të dhënave nga Banka e Shqipërisë, për 9-mujorin 2024, fluksi i investimeve austriake shënoi vlerën 81 milionë euro, me një rënie 8% krahasuar me 9-mujorin 2023.
Për periudhën janar-shtator 2024, fluksi i Investimeve të Huaja Direkte arriti 1.16 miliardë euro, duke regjistruar një rritje prej 5% krahasuar me të njëjtën periudhë të vitit 2023.
/r.e/
