TIRANË, 8 nëntor /ATSH/ 6 efektivë përfunduan me sukses kursin e avancuar të nënoficerit, faza e dytë, për “Specialitetin Polici Ushtarake”.
Ministria e Mbrojtjes bëri të ditur se, ky kurs kishte për qëllim pajisjen e pjesëmarrësve me njohuritë bazë mbi parimet, veprimtarinë, karakteristikat dhe organizimin e detyrave që Policia Ushtarake kryen në kohë paqeje, krize dhe lufte.
Nëpërmjet tij, kursantët arritën objektivat e tyre duke marrë njohuri të plota për zbatimin e ligjit për Qarkullimin Rrugor Ushtarak, Rendin Ushtarak dhe procedurat standarde të përmbushjes së misionit të Policisë Ushtarake. /j.p/
