TIRANË, 30 tetor /ATSH/ – Moti për ditën e sotme parashikohet me vranësira në të gjithë vendin.
Sipas Shërbimit Meteorologjik Ushtarak, do të ketë reshje shiu në orët e paradites me intensitet të ulët. Në mesditë reshjet do të fitojnë intensitet të lartë në formën e rrebesheve me shkarkesa elektrike në veriperëndim, perëndim e jugperëndim të vendit. Përgjatë orëve të pasdites reshjet me intensitet të lartë do të jenë prezente në jug, ndërsa në pjesën tjetër të vendit reshjet do të humbin intensitetin.
Era do të fryjë me drejtim juglindje-jug, me shpejtësi 2-30 m/sek, erë intensive dhe me rrahje përgjatë vijës bregdetare dhe zonat e ulëta pranë tyre. Gradualisht pasdite e në mbrëmje era do të dobësohet.
Valëzimi në det parashikohet i forcës 5-6 ballë, me lartësi vale 2.6-4.0 metra.
Temperaturat parashikohen me rënie, kryesisht në mesditë për shkak të reshjeve:
| QYTETET | Temperaturat në °C |
| Shkodër | 17/19 shi rrufe |
| Kukës | 15/18 re shi |
| Lezhë | 17/19 shi rrufe |
| Dibër | 15/16 re shi |
| Durrës | 17/21 shi rrufe |
| Tiranë | 18/20 shi rrufe |
| Elbasan | 15/19 shi rrufe |
| Berat | 14/21 re shi |
| Vlorë | 18/19 shi rrufe |
| Korcë | 13/16 re shi |
| Gjirokastër | 17/19 shi rrufe |
| Sarandë | 18/19 re shi |
/e.malaj/ /a.g/
