TIRANË, 18 tetor /ATSH/ – Ministria e Infrastrukturës dhe Energjisë ka hapur garën për kompaninë e cila do të përzgjidhet për vënien në operim dhe menaxhimin të aeroportit të Kukësit.
Afati për depozitimin e ofertave është i vlefshëm deri në datën 10 dhjetor 2018.
MIE do të mbledhë ofertat e mbërritura pranë Agjencisë së Prokurimit Publik për të bërë më pas edhe vlerësimin e tyre. Fituesi do të operojë me një kontratë koncesionare të formës BOT.
Vënia në punë e këtij aeroporti është edhe një ndër prioritetet e qeverisë, e cila është angazhuar me projekte konkrete në zhvillimin e infrastrukturës gjithëpëfshirëse të vendit. /e.xh/r.e/
