TIRANË, 21 nëntor/ATSH/ Forca Ajrore shqiptare hap dyert për pilotët e Forcës së Sigurisë të Kosovës.
Ministri i Mbrojtjes Niko Peleshi bëri të ditur se pilotët e FSK-së do të ndjekin në Bazën Ajrore të Farkës programin e rifreskimit teorik dhe praktik të fluturimeve me helikopter, i detyrueshëm për ekuipazhet për të mbajtur reflekset e fluturimit.
Bashkëpunimi mes dy vendeve në fushën e mbrojtjes ka shënuar raste të shumta stërvitjesh të përbashkëta dhe shkëmbim eksperience.
Në shtator të këtij viti, ekipet e kërkim-shpëtimit të Forcave të Armatosura të Shqipërisë dhe ato të Forcës së Sigurisë së Kosovës zhvilluan stërvitje të përbashkët.
/r.e/
