TIRANË, 11 shtator /ATSH/ Kryetarja e Kuvendit, Lindita Nikolla përkujtoi sot 11 Shtatorin 2001.
“22 vjet më parë, për shkak të mizorisë së një akti terrorist, kombi amerikan humbi mbi 3000 jetë të bukura dhe një pjesë e zemrave të 3000 familjeve amerikane u copëtuan”, u shpreh Nikolla.
“Prej 11 Shtatorit 2011, beteja e SHBA dhe e botës demokratike e të qytetëruar kundër terrorizmit ka vijuar e ashpër. Kombet e lira e demokratike i kanë fituar, po i fitojnë dhe do t’i fitojnë betejat me terroristët dhe mbështetësit e tyre”, theksoi Nikolla.
“Si anëtare jo e përhershme e KS të OKB-së, anëtare e denjë e NATO-s dhe kandidate për në BE, Shqipëria qëndron sot në krah të ShBA dhe BE në luftën kundër terrorizmit, veçanërisht terrorizmit kibernetik, dhe ekstremizmit të dhunshëm”, u shpreh Nikolla.
“Siguria kibernetike është aktualisht një prioritet i partneritetit strategjik shqiptaro-amerikan dhe Kuvendi ka mbështetur dhe do të vijojë të mbështesë këtë prioritet të bashkëpunimit dypalësh”, përfundoi mesazhin e saj Kryetarja e Kuvendit, Lindita Nikolla.
/r.e/
