ATHINË, 29 korrik /ATSH-DP/ – Ndërsa temperaturat e larta të verës vazhdojnë në Greqi, zjarret e shkurreve dhe pyjeve shpërthyen të shtunën pranë vendit antik të Olimpit, në gadishullin e Peloponezit.
Autoritetet e mbrojtjes civile urdhëruan evakuimin e disa fshatrave disa kilometra në veriperëndim të Olimpit si një masë paraprake, përmes mesazheve me tekst paralajmërues dhe Twitter.
Rrugët në këtë zonë ishin gjithashtu të mbyllura.
Shërbimet e urgjencës thanë se ishin vendosur 29 ekipe zjarrfikëse, pesë avionë dhe një helikopter.
Zjarret shpërthyen në shumë pjesë të vendit këtë muaj pasi temperaturat u rritën mbi 40 gradë Celsius.
Për herë të parë në më shumë se një javë, autoritetet vlerësuan rrezikun e zjarrit në pyje si pak më të ulët të shtunën, por shumë rajone ende konsiderohen të rrezikshme.
Pas një vale të zgjatur të nxehtit dhe thatësirës, ishulli i Rodosit dhe zona përreth qytetit të Anchialos ishin ndër zonat më të prekura.
Zjarret atje ishin shuar ose të paktën ishin vënë sot nën kontroll./ a.jor.
