PRISHTINË, 9 qershor/ATSH/ Presidentja e Kosovës, Vjosa Osmani priti në takim lamtumire shefin e EULEX-it, Lars-Gunnar Wigemark të cilin e ka dekoruar me medalje presidenciale për sundimin e ligjit.
Në këtë takim, presidentja Osmani theksoi përkushtimin e institucioneve të Kosovës për të arritur qëllimet e sigurisë dhe sundimit të ligjit në secilën pjesë të territorit.
“Presidentja Osmani vlerësoi kontributin e EULEX-it në promovimin e sundimit të ligjit dhe theksoi përkushtimin e vazhdueshëm të institucioneve të Kosovës për të arritur qëllimet e sigurisë dhe sundimit të ligjit në secilën pjesë të territorit të Republikës së Kosovës. Gjatë takimit, Presidentja Osmani dekoroi shefin e EULEX-it me medaljen presidenciale për sundimin e ligjit. Ajo theksoi rëndësinë e partneritetit mes institucioneve të Kosovës dhe organizatave partnere ndërkombëtare që operojnë në fushën e sigurisë dhe sundimit të ligjit”, bëri të ditur Presidenca. /KosovaPress/
