BEOGRAD, 5 maj /ATSH-DPA/ – Të paktën tetë persona u vranë dhe 13 të tjerë u plagosën, kur një i ri hapi zjarr në një fshat pranë kryeqytetit serb, Beograd, tha agjencia serbe e lajmeve TANJUG duke cituar policinë.
Autori i dyshuar, një 21-vjeçar, qëlloi me armë në komunitetin e Dubonës, rreth 50 kilometra në jug të Beogradit dhe më pas iku.
Policia gjeti vendndodhjen e tij dhe e rrethoi atë.
Incidenti vjen një ditë pasi një nxënës 13-vjeçar vrau tetë shokë të klasës dhe një roje sigurie në shkollën e tij në Beograd.
Gjashtë nxënës të tjerë dhe një mësues u plagosën.
Arrestimi u krye në qytetin serb të Kragujevacit, njoftuan televizioni shtetëror RTS dhe TANJUG./ /os/
