SOFJE, 1 mars /ATSH-BTA/ – Sot bullgarët festojnë fillimin e pranverës.
Ata shkëmbejnë simbole fatsjellëse bardhekuq, të quajtura martenica, duke i uruar njëri-tjetrit shëndet dhe mbarësi gjatë gjithë vitit.
E quajtur edhe gjyshja Marta, si një mishërim i pranverës dhe e përshkruar zakonisht si një plakë e ëmbël, kjo traditë pranverore i ka mbijetuar shekujve.
Martenica është bërë posaçërisht për këtë rast dhe vihet në veshje, apo kyçe ose qafë, ndërkohë që mund të lidhet përreth brirëve të bagëtisë ose rreth degëve të pemëve frutore.
Përdoruesi e mban atë derisa të shihet për herë të parë një dallëndyshe ose një lejlek që kthehet nga migrimi, pas së cilës varet në një degë të lulëzuar ose fshehur nën një shkëmb për të mirëpritur pranverën dhe për të përfaqësuar shpresën se shpirtrat e këqij do të shkojnë të flenë.
E bardha simbolizon forcën, jetëgjatësinë, shpirtin mashkullor dhe rrezet e diellit, ndërsa e kuqja simbolizon shpirtin femëror dhe lidhet me shëndetin, gjakun, konceptimin, lindjen dhe pjellorinë.
Tradita e martenicës besohet të jetë unike për Bullgarinë edhe pse tradita të ngjashme ekzistojnë edhe në Rumani, Greqinë Veriore dhe vendet ku bullgarët kanë emigruar ndër shekuj./ a.jor.
