TIRANË, 22 shkurt/ATSH/ Kulla ikonë e Deçanit, një nga objektet më të vjetra e të rralla të mbetura në këtë rajon, është shndërruar në muze etnologjik.
Lajmin e dha ministria e Kulturës, Rinisë dhe Sportit e Kosovës, e cila ka sjellë në rrjetet sociale edhe një album fotografik të këtij objekti të trashëgimisë kulturore.
Përmes artefakteve të ekspozuara, aty rrëfehet historia, kultura dhe jeta e familjeve tradicionale të Rrafshit të Dukagjinit.
Projekti është mbështetur nga Ministria e Kulturës dhe Komuna e Deçanit, financuar nga BE, implementuar nga UNDP.
Muzeu etnologjik është përuruar në kuadër të programit të qeverisë për 15-vjetorin e Pavarësisë së Kosovës.
/gj.m/r.e/
