TIRANË, 10 janar /ATSH/ Raporti i kredive me probleme të sektorit bankar shënoi një rritje të lehtë gjatë muajit nëntor 2022.
Banka e Shqipërisë, bën të ditur se, ky raport u ngjit në nivelin 5.05%, nga 5% që kishte qenë për muajin tetor 2022.
Sipas BSH-së, tendenca vjetore mbetet pozitive pasi raporti i kredive me probleme rezulton në rënie me 1.05 % krahasuar me nëntorin e vitit të kaluar.
Deri tani, projeksionet rezultojnë me një rritje mjaft të kufizuar të treguesit për kredinë me probleme, por sidoqoftë pasiguritë lidhen me inflacionin dhe rritjen e normave të interesit.
Menaxhimi i cilësisë së portofolit të kredisë është një nga sfidat kryesore të sektorit bankar për këtë vit.
