BRUKSEL, 10 janar /ATSH-ANSA/ – Një vit më parë, Evropa humbi një lider të madh, presidentin e Parlamentit Evropian David Sassoli, shkroi në Twitter përfaqësuesi i Lartë i Politikës së Jashtme të BE-së, Josep Borrell.
”Ne nderojmë trashëgiminë e tij si një evropian i pasionuar, si një demokrat i ndershëm dhe parimor, cilësitë njerëzore të të cilit janë vlerësuar nga të gjithë kolegët e tij nga të gjitha partitë dhe të gjitha vendet”, shtoi Borell.
”Një evropian i sinqertë dhe i pasionuar. Ngrohtësia e tij njerëzore, bujaria, gjallëria dhe buzëqeshja e tij tashmë mungojnë”, shkroi presidenti i Këshillit të BE-së, Charles Michel.
Kujtojmë se presidenti i Parlamentit Evropian David Sassoli vdiq në moshën 65-vjeçare.
I lindur në Firence më 30 maj 1956, Sassoli kishte qenë anëtar i asamblesë së BE-së për më shumë se 10 vjet, pas një kalimi nga gazetaria në politikë.
Roli i tij i dikurshëm si prezantues i lajmeve kryesore të mbrëmjes në televizionin publik RAI do të thotë se ai ishte mjaft i njohur në Itali./ /os/
