TIRANË, 24 nëntor /ATSH/ Ambasadorja e Bashkimit Evropian në Shqipëri, Christiane Hohmann uroi qytetin ukrainas të Lvivit për përzgjedhjen si Kryeqyteti Evropian i Rinisë 2025.
Hohmann gjithashtu falënderoi ekipin e Tiranës, Kryeqytetit Evropian të Rinisë 2022.
Hohmann u shpreh se Tirana dhe Shqipëria është vendosur në hartën e të gjithë evropianëve.
“Urime qytetit të Lviv, Ukrainë për përzgjedhjen si Kryeqyteti Evropian i Rinisë 2025! Faleminderit ekipit të Tiranës, Kryeqytetit Evropian të Rinisë për atmosferën e mrekullueshme të mbrëmjes së djeshme dhe aktivitetet që keni organizuar deri tani. Ju keni vendosur Tiranën dhe Shqipërinë në hartën e të gjithë evropianëve”, u shpreh në një postim në rrjetet sociale ambasadorja e BE-së, Christiane Hohmann.
/r.e/
