TIRANË, 15 shtator/ATSH/ – Viti i ri mësimor 2018-2019 nis me më shumë vëmendje dhe kushte më të mira për nxënësit në qarkun e Fierit.
Në këtë qark për këtë vit shkollor, janë rikonstruktuar në total 17 shkolla, ndërsa priten investime dhe projekte të reja.
Projekti i qeverisë për libra falas nga klasa e parë në të katërtën u mbështet nga bashkia e Fierit, e cila vendosi të shpërndajë tekste shkollore falas edhe për klasën e pestë.
Ndërkohë, kur kanë mbetur vetëm pak ditë nga nisja e vitit të ri shkollor, janë duke u mbyllur punimet në shkollat e fundit të këtij qarku.
Kryetari i bashkisë së Fierit, Armando Subashi ka publikuar sot foto nga rikonstruksioni i shkollës 9-vjeçare “Trifon Prifti” në Hamil, si dhe nga shkolla 9-vjeçare Tefik Dautaj në Varibop.
/m.m//e.caushi/
