TIRANË, 18 qershor/ATSH/ Monodrama “Të gjithë janë të çmendur”, një vepër e shkruar nga Naun Shundi u shfaq mbrëmjen e djeshme në qendrën kulturore “Margarita Tutulani” në Berat.
Ardashësit beratas mirëpritën lojën e aktorëve Ervin Bejleri dhe Monda Shundi, të cilët dhuruan emocione me interpretimin e tyre.
Me regji të Ardian Cergës dhe Naun Shundit, kjo monodramë përcjell mesazhe të shumta për shoqërinë si polemikat, ironia dhe lufta e madhe kundër imoralitetit.
Personazhi i kësaj monodrame rrëfen me sinqeritetin e tij deri në naivitet të gjithë kronologjinë e jetës. Pikërisht ky realitet që jetojmë është i papërtypshëm për të, pasi situatat komike në dukje e pështjellojnë emocionalisht e logjikisht vazhdimësinë e përditshmërisë së tij duke e paraqitur si të çmendur përballë hipokrizisë e lëmshit të zakonshëm metropolitan.
Monodrama “Të gjithë janë të çmendur” do të shfaqet edhe ditën e sotme në skenën e qendrës kulturore “Margarita Tutulani” në Berat.
/k.s/j.p/
