TIRANË, 27 shkurt /ATSH/ Pavarësisht reshjeve të dëborës në akset e Dajtit qarkullimi kryhet pa probleme.
Autoriteti Rrugor Shqiptar informon se, po punohet me mjete borëpastruese për pastrimin dhe shpërndarjen e kripës dhe qarkullimi kryhet pa probleme.
Gjithashtu ARRSH i bën apel drejtuesve të mjeteve të pajisen me goma dimërore.
“Drejtuesit e mjeteve të bëjnë kujdes në lëvizje, në këtë aks, të respektojnë sinjalistikën rrugore të reduktojnë shpejtësinë dhe të pajisen me goma dimërore”, apelon ARRSH.
