TIRANË, 30 gusht/ATSH/ Prodhuesit e produkteve të fshatit në Pukë nuk do të jenë më të detyruar të shesin jashtë çdo standardi higjieno-sanitar dhe pa më të voglin kusht për tregtim, siç ishin deri tani.
Bashkia e Pukës ka bërë të mundur krijimin e kushteve dhe standardeve të kërkuara për tregtimin e produkteve të fshatit, falë një bashkëfinancimi me shoqatën “Agro-Puka” e cila mbështetet nga organizata suedeze “We Efect Suedish”.
Kryetari i bashkisë Pukë, Gjon Gjonaj së bashku me drejtorin e organizatës “Agro-Puka” panë nga afër sot punën për tregun e produkteve të fshatit, teksa premtuan mbështetje për fermerët e zonës.
Gjithnjë e më shumë fermerët e Pukës po nxjerrin prodhimet e tyre në treg duke rritur të ardhurat.
/m.m/r.e/
