TIRANË, 3 tetor/ATSH/ Shërbimi Meteorologjik Ushtarak bëri të ditur se ditën e enjte vendi ynë do të vijojë të ndikohet nga kushte atmosferike të paqëndrueshme.
Moti parashikohet me alternime kthjellimesh dhe vranësira mesatare e të dendura. Prezencë e reshjeve të shiut me intensitet të ulët në formën e shtrëngatave afatshkurtra që në orët e para të ditës në zonën veriperëndimore si dhe përgjatë vijës bregdetare.
Nga orët e mesditës reshjet pritet të prekin pjesën më të madhe të territorit. Në zonën veriperëndimore dhe jugperëndimore reshjet pritet të jenë me intensitet mesatar e hera-herë deri të lartë në formën e rrebesheve të shpejta dhe stuhive afatshkurtra shoqëruar me shkarkesa elektrike.
Nga orët e mbrëmjes reshjet humbasin territor dhe intensitet, por në zonën veriperëndimore reshjet hera-herës fitojnë intensitet lokalisht mesatar. Mjegull / mjegullinë në orët e para të mëngjesit në zonat luginore si dhe në momentin e reshjeve.
Era do të fryjë me drejtim jug-juglindje me shpejtësi mesatare 1-8m/sek, ndërsa përgjatë vijës bregdetare dhe zonat luginore era fiton me shpejtësi 8-14m/sek, shoqëruar me valëzimin në dete të forcës 2-5 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 12/27 | Re shi |
| Kukës | 8/23 | Diell re shi |
| Lezhë | 11/26 | Re shi |
| Dibër | 7/25 | Diell re shi |
| Durrës | 14/27 | Re shi |
| Tiranë | 15/29 | Re shi |
| Elbasan | 14/27 | Diell re shi |
| Berat | 12/30 | Diell re shi |
| Vlorë | 18/27 | Re shi |
| Korçë | 9/22 | Diell re shi |
| Gjirokastër | 7/26 | Re shi |
| Sarandë | 14/25 | Diell re shi |
