TIRANË, 29 gusht /ATSH/ Në kuadër të megaoperacionit policor antikanabis “Territor i pastër” që ka si objektiv parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut.
Policia e Shtetit njofton se, gjatë kësaj faze të megaoperacionit shërbimet e Komisariatit të Policisë Shkodër gjetën në territorin e njësive administrative Pult, Shalë dhe Postribë, dhe asgjësuan 606 bimë kanabis.
Gjithashtu shërbimet e Komisariatit të Policisë Malësi e Madhe gjetën në territorin e njësisë administrative Shkrel dhe asgjësuan 531 bimë kanabis.
Ndërsa shërbimet e Komisariatit të Policisë Vau i Dejës në territorin e njësisë administrative Shllak asgjësuan 1312 bimë kanabis.
Policia njofton se, vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.
