TIRANË, 25 mars /ATSH/ “Maja e Murgës”, 20 km nga Puka, është kthyer në destinacionin më të ri turistik, duke tërhequr vëmendjen e shumë turistëve vendas e të huaj.
Kryeministri Edi Rama ndau sot në rrjetet sociale pamje nga Maja e Murgës në Pukë, e ndodhur në 600 metra lartësi mbi nivelin e detit.
“Tablo e pranverës ashtu siç vetëm natyra di t’i kombinojë me ngjyrat më të bukura në stanet e Murgës në Pukë”, shkruan Rama.
Maja e Murgës është një ndër destinacionet turistike që ofron Puka.
Kjo hapësirë është tepër tërheqëse për të apasionuarit pas natyrës, malit, alpinizmit, lartësive, aventurës, etj.
Ngjitja e kësaj maje nuk është shumë e vështirë dhe me të mbërritur në destinacion, mund të shijohet liqeni i Komanit në një tjetër këndvështrim.
/m.m/r.e/
