TIRANË, 6 mars /ATSH/ Kryetarja e Kuvendit, Lindita Nikolla, po merr pjese në Samitin Botëror të Grave Kryeparlamentare, organizuar nga Kryetarja e Asamblesë Kombëtare të Francës, Yaël Braun-Pivet, i cili filloi punimet pasditen e sotme në Paris.
Samiti u kushtohet çështjeve të rëndësishme që lidhen me rolin e edukimit në ngushtimin e pabarazive të zhvillimit dhe luftën kundër dhunës ndaj grave si edhe nxitjen e pjesëmarrjes së grave në zhvillimin politik dhe shoqëror.
