TIRANË, 20 janar/ATSH/ Shërbimi Meteorologjik Ushtarak bëri të ditur se ditën e shtunë vendi ynë do të të ndikohet nga kushte të paqëndrueshme atmosferike si rezultat i kalimit të një fronti të ftohtë shoqëruar me masa ajrore të ftohta dhe të lagështa.
Moti parashikohet me vranësira të dendura shoqëruar me reshje shiu të herëpashershme dhe lokalisht të vazhdueshme me intensitet të ulët dhe kryesisht mesatar në formën e shtrëngatave. Në periudha afatshkurtra reshjet përgjatë ultësirës perëndimore do të jenë me intensitet deri të lartë në formën e rrebesheve dhe stuhive shoqëruar me shkarkesa elektrike dhe breshër.
Në relievet malore në verilindje në lartësitë mbi 300 metër dhe juglindje në lartësitë mbi 500 metër reshje dëbore me intensitet të ulët dhe mesatar. Në periudha afatshkurtra reshjet e dëborës me intensitet të lartë në formën e stuhive dhe shtrëngatave të dëborës. Mjegull e dendur / mjegullinë dhe reduktim shikimi në orët e mëngjesit dhe në momentin e reshjeve të shiut dhe dëborës.
Era do të fryjë me drejtim verilindje – juglindje intensive dhe shpejtësi mesatare 3-12m/sek, ndërsa përgjatë vijës bregdetare dhe zonat luginore era tepër intensive dhe problematike dhe shpejtësi 16-24m/s, shoqëruar me valëzim në dete të forcës 3-5 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 7/10 | Re shi |
| Kukës | -1/5 | Re borë |
| Lezhë | 9/11 | Re shi |
| Dibër | -2/4 | Re borë |
| Durrës | 8/16 | Re shi |
| Tiranë | 10/16 | Re shi |
| Elbasan | 7/15 | Re shi |
| Berat | 9/19 | Re shi |
| Vlorë | 8/17 | Re shi |
| Korcë | 0/6 | Re borë |
| Gjirokastër | 8/16 | Re shi |
| Sarandë | 10/17 | Re shi |
