TIRANË, 17 janar/ATSH/ Shërbimi Meteorologjik Ushtarak bëri të ditur se ditën e mërkurë vendi ynë do të të ndikohet nga kushte të paqëndrueshme atmosferike si rezultat i masave ajrore të lagështa me origjinë perëndimore.
Moti parashikohet me vranësira mesatare dhe të dendura si dhe intervale të herëpashershme me diell (kthjellime) kryesisht në zonën e qendrës dhe jug. Vranësirat do të shoqërohen me reshje shiu të herëpashershme me intensitet të ulët dhe lokalisht mesatar në formë shtrëngatash. Në zonën e veriperëndimit reshjet me intensitet kryesisht mesatar ndërsa në orët e mbrëmjes reshjet në periudha afatshkurtra me intensitet deri të lartë në formën e rrebesheve dhe stuhive shoqëruar me shkarkesa elektrike dhe breshër.
Mjegull e dendur / mjegullinë dhe reduktim shikimi në orët e mëngjesit dhe në momentin e reshjeve të shiut.
Era do të fryjë me drejtim juglindje – jugperëndim me shpejtësi mesatare 3-10m/sek, ndërsa përgjatë vijës bregdetare dhe zonat luginore era relativisht intensive fiton shpejtësi 12-18m/s, shoqëruar me valëzim në dete të forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 8/15 | Re shi |
| Kukës | 5/12 | Re shi diell |
| Lezhë | 11/16 | Re shi |
| Dibër | 7/10 | Re shi diell |
| Durrës | 10/18 | Re shi diell |
| Tiranë | 12/18 | Re shi diell |
| Elbasan | 8/17 | Re shi diell |
| Berat | 10/20 | Re shi diell |
| Vlorë | 12/19 | Re shi diell |
| Korçë | 5/10 | Re shi diell |
| Gjirokastër | 8/13 | Re shi diell |
| Sarandë | 9/16 | Re shi diell |
