ROMË, 12 dhjetor /ATSH-DPA/ – Vullkani më i madh aktiv në Evropë, “Etna”, ka tërhequr sërish vëmendjen me një shpërthim të llavës.
Sipas Institutit Italian të Gjeofizikës dhe Vullkanologjisë (INGV) në Katania në Siçili, shpërthimi i llavës u ngrit deri në 6 000 metra mbi nivelin e detit dje në mbrëmje dhe ndriçoi qiellin e natës në lindje të ishullit.
Në orën 21:35, “Etna” u qetësua përsëri.
Vullkani në ishullin mesdhetar ngrihet rreth 3 350 metra mbi nivelin e detit.
Ai bëhet aktiv vazhdimisht, më së fundi në mes të nëntorit. //a.i/
