ABU DHABI, 24 tetor /ATSH/ – Një ideologji gjithëpërfshirëse mposht çdo konsideratë tjetër te terroristët, sipas psikologes Jocelyn Belanger, nga Universiteti i Nju Jorkut në Abu Dhabi, e cila ishte në gjendje të intervistonte terroristët islamikë të ndaluar për të kuptuar se çfarë e krijon formën e tyre të veçantë mendore, shkruan focus.it.
Siç raportohet në ”Transaksionet Filozofike të Shoqërisë Mbretërore”, pika kryesore në to është vendosja e një ideologjie në qendër të identitetit të tyre që shpjegon dhe rregullon gjithçka, pastaj leximi i botës vetëm përmes saj.
Mos vrit: Kjo formë mendore të çon në katër procese që i hapin rrugën terrorizmit: dorëzimi moral (d.m.th., shembja e çdo norme të brendshme si: “mos vrit”) që të lejon të kryesh krime pa ndjerë keqardhje.
Pastaj urrejtja, e cila lëshohet kundër kujtdo që vë në dyshim ideologjinë. Kufizimi i marrëdhënieve shoqërore reduktohet me ata që mendojnë njësoj.
Së fundi, “reagimi psikologjik”, pra një rezistencë, shpeshherë e pavetëdijshme, ndaj çdo urdhri apo këshille që vjen edhe nga njerëz të afërt, si të afërm e miq.
Kjo do të thotë se përpjekja për të ndryshuar mendjen e tyre me besim racional është, për fat të keq, e padobishme.
E vetmja mënyrë, thonë ekspertët, është ”të plotësohet nevoja e terroristëve për të qenë pjesë e një grupi mbështetës, duke i gjetur ata një grup jo të dhunshëm, i cili gjithashtu është në gjendje t’ua bëjë jetën më të kënaqshme se ajo e mëparshme”. /os/
