TIRANË, 14 shtator/ATSH/ Gjykata e Posaçme kundër Korrupsionit dhe Krimit të Organizuar ka kaluar sot për gjykim dosjen ndaj Fredi Belerit, i akuzuar nga SPAK për blerje votash.
Gjyqi ndaj Belerit në GJKKO do të zhvillohet me proces të zakonshëm.
Avokati i Belerit tha në një prononcim për mediet në përfundim të seancës, se vetë kryebashkiaku i zgjedhur i Himarës, ka deklaruar se po mbahet në burg politikisht dhe pa asnjë provë.
Ndërsa të hënën, më 18 shtator, pritet të zhvillohet seanca e parë gjyqësore ndaj Belerit.
Beleri u arrestua dy ditë përpara zgjedhjeve të 14 majit, datë kur u votua për të zgjedhur kryetarët e rinj të bashkive.
/r.e/
