TIRANË, 7 shtator /ATSH/ Punonjësit e Drejtorisë së Shërbimeve Publike në bashkinë Shkodër po punojnë për përmirësimin e sinjalistikës horizontale për këmbësorët përpara shkollave.
Bashkia e Shkodrës bën të ditur se puna ka përfunduar në rrugët pranë shkollave “Liria”, Medreseja “Haxhi Sheh Shamia”, “Ali Laçej”, Shkolla e mesme e ndërtimit, “Dëshmorët e Prishtinës”, “Mati Logoreci”, Shkolla e mesme teknike pyjore “Kolë Margjini”, Fakultetit të Gjuhëve të Huaja.
Sipas bashkisë, gjatë ditëve në vijim sinjalistika do të përmirësohet pranë çdo shkolle në qytet.
Ndërkohë që Drejtoria Ekonomike e Arsimit në bashki po përpiqet të jetë kudo me ndërhyrje në mirëmbajtje hidraulike, elektrike, lyerje, riparime të dyerve e dritareve, pastrimin e oborrit në shkollat e qytetit.
Në 11 shtator në të gjitha shkollat e ciklit 9-vjeçar dhe të mesëm do të nisë viti i ri shkollor 2023-2024.
/k.s/r.e/
