TIRANË, 1 shtator/ATSH/ Një prej superjahteve më të mëdhenj me vela në botë, “Koru”, i cili ka tre direkë 70 metra të lartë, është ndalur mëngjesin e sotëm në Portin e Durrësit.
Jahti me gjatësi 127 metra, që mban flamurin e Ishujve Kajman, është bregëzuar në kalatën nr.4 të portit detar.
Sipas Autoritetit Portual Durrës, jahti u ndal sot në Durrës për shërbime dhe më pas do të vijojë lundrimin drejt Italisë.
Gjatë këtij sezoni turistik në Portin e Durrësit janë ndalur 257 jahte të mëdha turistike dhe 21 kroçera.
/k.s/
