TIRANE, 5 korrik/ATSH/ Shërbimi Meteorologjik Ushtarak bëri të ditur se për ditën e shtunë vendi ynë do të ndikohet nga kushte atmosferike relativisht të paqëndrueshme falë masave ajrore jugperendimore.
Moti parashikohet i kthjellët deri në orët e para të mengjesit. Më pas vranësira mesatare deri në të dendura.
Reshjet e shiut do të bëhen prezente në orët e mëngjesit. Fillimisht reshjet do të jenë prezente përgjatë vijës bregdetare në orët e mëngjesit e më pas do të shtrihen në të gjithë vendin me intensitet mesatar deri të lartë. Reshjet pritet të jenë të herëpashershme në formën e rrebesheve të shpejta, stuhive e shtrëngatave me shkarkesa elektrike dhe breshër.
Era do të fryjë me drejtim jug – jugperëndim me shpejtësi mesatare 1-8m/s ndërsa përgjatë vijës bregdetare dhe në lugina era fiton shpejtësi deri 12m/s. Valëzimi në dete do të jetë i forcës 2-3 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 21/30 | Re shi |
| Kukës | 19/28 | Re shi |
| Lezhë | 21/29 | Re shi |
| Dibër | 19/30 | Re shi |
| Durrës | 24/30 | Re shi |
| Tiranë | 25/32 | Re shi |
| Elbasan | 22/30 | Re shi |
| Berat | 20/31 | Re shi |
| Vlorë | 22/29 | Re shi |
| Korcë | 19/28 | Re shi |
| Gjirokastër | 16/30 | Re shi |
| Sarandë | 19/30 | Re shi |
