ROMË, 21 maj /ATSH-ANSA/ – Forcat ruse kanë marrë kontrollin e qytetit Bakhmutit, tha dje në mbrëmje themeluesi i grupit “Wagner”, Yevgeny Prigozhin.
“Sot, Bakhmuti u mor plotësisht”, tha Prigozhin në një deklaratë.
Ushtria ukrainase ka mohuar pretendimin se mercenarët e “Wagner” mund të kenë marrë kontrollin e plotë të qytetit të Bakhmutit, duke shtuar se trupat e saj po vazhdojnë të luftojnë.
“Është e rreme. Njësitë tona po luftojnë në Bakhmut”, tha zëdhënësi ushtarak, Serhiy Cherevati, pasi kreu i grupit mercenar rus, Prighozin tha se forcat e tij kishin marrë kontrollin e plotë të qytetit.
“Situata në Bakhmut është kritike. Në të njëjtën kohë, trupat tona vazhdojnë mbrojtjen në zonën e “Litakut”. Deri më tani, mbrojtësit tanë kontrollojnë disa objekte industriale dhe infrastrukturore të kësaj zone dhe sektorin privat”, tha në Telegram zëvendësministrja e Mbrojtjes e Ukrainës, Hanna Malyar. //a.i/
