ANKARA, 3 dhjetor /ATSH-AA/ – Gjermania është përgatitur t‘i dërgojë Ukrainës edhe shtatë tanke shtesë të blinduara kundërajrore të llojit “Gepard”.
Në lajmin e ”Der Spiegel” thuhet se qeveria gjermane si shtesë të 30 tankeve kundërajrore që përdoren aktualisht për të luftuar kundër ushtrisë ruse, do të dërgojë edhe shtatë tanke ”Gepard” shtesë për Ukrainën.
Tanket në fjalë në fillim ishin caktuar për të shkuar për skrap, por ato janë riparuar nga ”Krauss-Maffei Wegmann”, prodhuesi i armëve me qendër në Mynih, dhe pritet që të mbërrijnë në Ukrainë në pranverën e vitit 2023.
Qeveria gjermane krahas tankeve do t‘i dërgojë Kievit edhe municione shtesë.
Pritet që Gjermania t’i dorëzojë Ukrainës gjithsej 50 tanke ”Gepard”./ a.jor.
