ATHINË, 1 dhjetor /ATSH-ANA/ – Greqia është eksportuese e sigurisë energjetike për fqinjët tanë dhe kjo është kryesisht për shkak të strategjisë sonë energjetike dhe strategjisë në sektorin e gazit natyror, deklaroi kryeministri grek, Kyriakos Mitsotakis në një konferencë ndërkombëtare për gazin e lëngshëm natyror, e zhvilluar në Athinë.
”Kriza po ndryshon hartën energjetike të Europës dhe Greqia është në pёrballje me kёtё ndryshim”, theksoi kryeministri.
Mitsotakis prezantoi infrastrukturat e reja që janë zbatuar ose janë duke u ndërtuar dhe të cilat lejojnë një rritje të eksporteve të gazit natyror duke vënë në dukje veçanërisht rezervuarin e ri të gazit natyror të lëngshëm në Revythoussa, stacionin e gazit natyror të lëngshëm në Aleksandropolis, tubacionin TAP që transporton gazin natyror nga Azerbajxhani në Evropë nëpërmjet Greqisë dhe tubacionin greko-bullgar.
”Brenda disa vitesh ne mund të kemi dy, tre apo edhe katër stacione lundruese LNG. Ne duam të ndihmojmë fqinjët tanë me furnizimet e tyre me energji dhe të përmirësojnë stabilitetin që lidhet me sigurinë energjetike”, shtoi Mitsotakis./ / as/
