LOS ANXHELES, 6 nëntor /ATSH-DPA/ – Reperi amerikan Aaron Carter vdiq në moshën 34- vjeçare, njoftoi nëna e tij.
Të gjitha detajet dhe rrethanat e tjera do të sqarohen dhe komunikohen më vonë.
Departamenti i policisë së Los Anxhelesit konfirmoi një operacion në Lancaster, Kaliforni, por nuk dha asnjë detaj.
Aaron Carter, vëllai më i vogël i Nick Carter i ”Backstreet Boys”, ishte shumë i suksesshëm si fëmijë në fund të viteve 1990 me hite si “Crush On You” dhe “Aaron’s Party”.
Që atëherë ai ka tentuar vazhdimisht një rikthim pa sukses. Si pjesë e një turneu botëror, ai bëri një ndalesë edhe në Gjermani në vitin 2015.
Ish-ylli adoleshent ka qenë në titujt e gazetave për incidente të ndryshme.
Dy vëllezërit Nick dhe Aaron u grindën publikisht dhe shkëmbyen akuza.
Aaron Carter u pozicionua edhe politikisht dhe deklaroi në 2016 se do të votonte për Donald Trump.
Pothuajse një vit më parë, ish-ylli u nda nga e fejuara Melanie Martin, një javë pas lindjes së fëmijës së tij të parë. Ai është akuzuar edhe për përdorim substancash narkotike./ a.jor.
