TIRANË, 27 tetor/ATSH/ Drejtoria Rajonale e Trashëgimisë Kulturore Shkodër, në kuadër të programit “Edukimi përmes Kulturës”, ka organizuar një workshop mbi inventarizimin e trashëgimisë kulturore jomateriale tradicionale të komunitetit. Ky workshop përfshiu nxënës të shkollës 9-vjeçare “Migjeni” të qytetit të Pukës.
Përmes shfaqjes së videove të shkurtra, ku dokumentohen elementë të trashëgimisë kulturore, nxënësit patën mundësi të bashkëndanin vlera dhe histori familjare si dëshmi e transmetimit gojarisht të kulturës dhe identitetit kulturor të zonës së tyre.
Specialistët e DRTK Shkodër gjatë këtij workshop-i, aftësuan nxënësit pjesëmarrës mbi rregullat bazë të procesit të krijimit të kartelave për inventarizimin e elementëve të trashëgimisë jomateriale, pjesë e komunitetit të Pukës.
/j.p/r.e/
