BERLIN, 17 tetor /ATSH-DPA/ – Kreu i shërbimit sekret gjerman e ka cilësuar pushtimin rus të Ukrainës një “shpallje lufte” kundër të gjithë botës demokratike perëndimore.
Duke folur në një seancë publike të komisionit parlamentar, Bruno Kahl, i cili drejton Shërbimin Federal të Shërbimit Sekret (BND), tha se lufta e presidentit Vladimir Putin nuk kishte të bënte kryesisht me territorin e Ukrainës.
”Putin do të vazhdojë të përdorë forcën, siç bëri në Çeçeni, Gjeorgji, Siri, Krime dhe Donba, për të arritur qëllimet e tij politike”, tha ai.
Kur ishte fjala për konfliktin në terren në Ukrainë, ai tha se priste ”që luftimet të vazhdonin edhe vitin e ardhshëm pasi asnjëra palë nuk ishte e gatshme të lëshonte territor”.
”Ngjarjet si lufta në Ukrainë tregojnë pse Gjermania ka nevojë për autoritetet e saj të sigurisë”, tha ai.
”Kërcënime të tjera të mëdha aktuale përfshijnë një Kinë autokratike që ngrihet për t’u bërë një fuqi globale”, tha Kahl./ a.jor.
