LOS ANXHELES, 10 tetor /ATSH-DPA/ – Instagram dhe Twitter pezulluan Kanye pasi reperi ndau një sërë deklaratash antisemite në të dy platformat e mediave sociale.
Një zëdhënës i kompanisë Instagramit dhe Meta deklaroi se platforma kishte hequr përmbajtjen që shkelte politikat e saj nga faqja e West, si dhe kishte kufizuar llogarinë e muzikantit.
Një përfaqësues i Twitter gjithashtu konfirmoi të hënën se aplikacioni kishte bllokuar llogarinë e West për shkeljen e rregullave të tij.
Në Instagram javën e kaluar, West ndau një pamje të ekranit të një mesazhi antisemitik që i dërgoi reperit Sean “Diddy” Combs duke pretenduar se Combs kontrollohej nga hebrenjtë, sipas NBC.
Postimi i tij nuk mund të gjendet më në rrjetin Instagram të West.
Është e paqartë se për sa kohë do të mbeten në fuqi kufizimet në llogaritë e West dhe Instagram. Që nga mëngjesi i së hënës, artisti hip-hop nuk kishte publikuar asgjë në asnjërën platformë që nga e shtuna. /os/
