TIRANË, 21 shtator /ATSH/ Punënjësit e Gardës së Republikës iu bashhkuan sot nismës “Dhuro gjak, shpëto jetë”.
Garda e Republikës, si çdo vit, u sensibilizua duke dhuruar gjak për njerëzit në nevojë, në 20-21 shtator, njoftoi sot Ministria e Brendshme.
Në bashkëpunim me Qendrën e Transfuzionit Kombëtar të Gjakut, gardistë e punonjës u solidarizuan me nismën.
Drejtori i përgjithshëm i Gardës së Republikës, Gramos Sako i bëri thirrje çdo punonjësi në kushte shëndetësore të përshtatshme, për t’iu bashkuar nismës humanitare për të mbështetur njerëzit në nevojë për gjak, e veçanërisht fëmijët talasemikë.
Solidariteti dhe tradita e Gardës së Republikës për dhurimin rregullisht të gjakut do të vazhdojë edhe në të ardhmen.
/j.p/r.e/
