TIRANË, 25 korrik/ATSH/ Ka përfunduar turneu 3-ditor Volejpoja Beach Trophy 2022. Turneu i volejbollit në rërë, u organizua nga bashkia e Shkodrës dhe Federata Shqiptare e Volejbollit dhe ngjalli interes të lartë nga pushuesit, gjatë tri ditëve të aktivitetit.
U luajtën gjithsej 25 ndeshje, të ndara në kategoritë meshkuj e femra. Ndeshjet u përshkuan nga emocione e rivalitet dhe në fund u kurorëzuan 3 ekipet më të mira të volejbollit amator.
Nënkryetari i bashkisë Ardit Qylybyli ndau certifikatat dhe medaljet për fituesit dhe premtoi vazhdimësi të aktiviteteve sportive e kulturore në plazhin e Velipojës përgjatë të gjithë sezonit turistik.
Vendin e parë në Volejpoja Beach Trophy e fitoi Nikolin Qafaren e Fatjon Cekini për meshkuj, ndërsa për femra Edna Erkoci dhe Laura Ballciti. Vendi i dytë shkoi për Elidon Marku e Zamir Vjerdha si dhe për Izabela Dodani e Xhesika Kaci. Ndërsa, kupën e vendit të tretë e fituan Dorjan Tafa e Fatjet Haxhagiqi dhe për femra Klodeta Zhivani e Stela Kiri.
/j.p/r.e/
