LONDER, 22 korrik /ATSH/ – Një nënë britanike në moshë tepër të re duke mos gjetur kujdestare të fëmijëve mori djalin e saj me vete në festën e maturës, shkruan faqja today.it.
Melissa McCabe, e cila mbeti shtatzënë në moshën 14-vjeçare, lindi Arthurin e saj në vitin 2020 dhe e rriti atë si nënë beqare, ndërkohë që ia doli të përfundonte shkollën e mesme.
Në videot e saj, Melissa dokumenton jetën e saj duke treguar gëzimet dhe hidhërimet e mëmësisë në moshë të re dhe për të inkurajuar të gjithë beqarët shumë të rinj dhe nënat në të njëjtën gjendje.
Nuk ka qenë një jetë e lehtë deri më tani ajo e vajzës, e cila në TikTok tregoi për ngacmimet që pësoi kur ishte 12 vjeç dhe vështirësitë në rritjen e Arturit, i cili ende mbetet prioriteti dhe gëzimi i saj.
Videoja në të cilën ajo shpjegon se do ta merrte Arthurin në maturën u bë virale dhe vajza u kontaktua nga producentët e një prej shfaqjeve më të mëdha televizive në Britaninë e Madhe, të cilët i kërkuan të tregonte historinë e saj në TV.
“Të gjithë shkuan në festën e maturës me të dashurin e tyre ndërsa unë shkoj me bekimin tim më të madh, Arthurin”, theksoi ajo./ /os/
