TIRANË, 5 korrik /ATSH/ Autoriteti Kombëtar i Ushqimit (AKU) vijon inspektimet dhe kontrollet në subjektet e ndryshme të linjës, për garantimin e sigurisë ushqimore në tregjet e vendit.
AKU njoftoi se për periudhën janar-qershor 2022 janë kryer në total 588 kontrolle zyrtare në 296 stabilimente prodhim/përpunim të qumështit dhe produkteve të tij.
Sipas AKU-së, inspektimet janë intensifikuar në tregje dhe subjektet prodhuese të produkteve blegtorale, të konsideruara si ushqimet më të rrezikuara nga temperaturat e larta dhe moti i nxehtë që ka përfshirë vendin.
Gjatë kësaj periudhe në fokus kryesor mbetet kontrolli në zonat turistike, për të rritur shkallën e sigurisë ushqimore dhe mbrojtjen e shëndetit të konsumatorit, në kushtet e sezonit veror kur shtohet fluksi i konsumatorëve nga turistët e huaj. Ndërsa për shkeljet e konstatuara, AKU ka dhënë masat administrative përkatëse.
/j.p/r.e/
